د الازهر د غونډو په مرکز کې د کوفی خط قرآن نمایش
ایکنانیوز د املصری الیوم له قوله راپور راکوي،د مصر دالازهر پوهنتون مشر سلامه داؤد ،د الازهر نماینده محمد الضوینی او ددغه مرکز یوشمیر نور مسئولان اوچاروالو د عربی ژبې د نړیوالې ورځې په مناسبت له الازهر سره اړونده مرکزونو د جشن په څنډې کې د عربی خوشخطۍ او د تجسمي هنرونو نندارتون افتتاح کړ.
دغه نندارتون د تجسمي هنرونو دهنرمندانو او خطاطو دیوې ډلې او د الازهر د مرکزونو د محصیلینو په ملګرتیا سره ترسره شو او په دې کې د الازهر کتابتون تاریخي خطي نسخې چې په هغو کې د قرآن اعراب لګول شوي خطي نسخې ، د کوفی قرآن نسخې او په لاس سره لیکل شوي قراني نسخې شاملې وې ، نندارې ته وړاندې شوې. په لاس لیکل شوي قرآن په لومړنیو صفحو کې ، په یوې داسې کتیبې سره دګلدستو یا مینارو ټولګه موجوده ده چې له ښي پلوه د چپ په لور د ؛لا اِله اَلا الله محمد رسول الله؛ عبارت د لوستلو وړ دی.
دغه قرآڼ د نقاشۍیو هنرمند علی لطفي په ۱۳۱۳ قمری کال کې کتابت کړی دی او هغه څه چې دغه قرآن له نورو قراني نسخو بیلوي ، دا دی چې د هغه نقاش ټول قرآن یوازې په نولسو صفحو کې غونډ کړی دی.
دیادولو وړده چې دملګروملتو عمومی اسمبلۍ د ۱۹۷۳کال د دسمبر په اتلسمه نیټه د یوه پریکړه لیک په تصویبولو سره عربي ژبه؛ د ملګروملتو د یوې رسمي ژبې په توګه له انګریزی، چینی،فرانسیسي ، روسی او اسپانیولي ژبو ته ورزیاته کړه. یونیسکو ادارې هم په ۲۰۱۲ کال کې تصویب کړې چې د هرکال ددسمبر اتلسمه نیټه هم د عربی ژبې دنړیوالې ورځې په توګه اعلان شي.
